Puisi Bali

PAMARGI SANE NENTEN MAGUNA


Nyesel nenten maguna
Ngatonang suratan lima
Sane nenten pedas
Krana hidup puniki pajalan karma

Wantah makeneh, ngawirasayang
Nenten mlaksana.....
Pastiaka nenten prasida
Manggehang tatujon urip ring mercapada

Napi malih nenten makarya
Ulap ken brana....
Ulap teken sakacan arta sasana
Pastika urip ten maguna

Pajalan uyang…..
Nenten mapineh, ngulat sarira
Stata mamarga tanpa keneh wirasa
Pasti taler pacang nenten maguna
Ring Kayun Hyang Kuasa


Olih:
J-SADI-I-MD










SASTRA MAUTAMA
Sadurung sang surya endag
Sabilang semeng nyantos saniscara
Manabdabang raga jagi kasekolah
Ngulati paplajahan mangda wikan teken satra
Wikan ring sajeroning kauripan
Ngamargiang suadarma ring kauripan

Duaning….
Tanpa sastra sejroning palajahan
Pastika nenten tatas indik kauripan
Ngamargiang sajeroning suadarman
Tata susila kaagamaan
Patut kauningin

Tan bina kadi sang surya lan bulan
Sahananing sastra mautama
Nyuryanin sakancan genah
Ngewetuang galang manah liang
Sebet hilang ati girang
Ngamargiang suadarma dados sisia


Olih: J-S.Pd-I-MD